等到頸都長埋，終於等到蘇打綠係香港o既大型表演。
實在太耐未遇到一隊令我 去「追」住聽o既團體。睇落以為係柴娃娃組合，佢地作品又莫名其妙認真制作，仲要係好聽多元化。最近睇"ohohohoh"英文版 的現場演繹，真係拍爛手掌。
青峰o既聲音隠約令我諗起王菲。王菲，己經無機會再睇佢有任何大型公眾演出。
click 完快達票，再睇一睇其他網站，原本陳鳳出左新ep喎!
oh....陳鳳，又靚女又靚聲，dream girl ~~~
言猶在耳，記得某位朋友對開心和快樂的詮釋。她説過，開心並不等於快樂。
看過「生日快樂」官網的動畫片段，第一反應是開心。喜歡劉若英是不可置否，更甚的是今次劇本和制作班底。張艾嘉繼20，30，40後又一力作，這次還有編劇鄧潔明。開心同時，卻不快樂，只因這齣戲最後，結果是悲劇收場。
巧合地，這陣子聽回廣播劇「初戀無限次」。與前者一樣，故事起點自十年前的感情。楊采妮沙啞聲線及生硬加上梁朝偉略帶輕佻浮躁的演譯，整個劇都以半説笑輕鬆形式，沒有其他的沉重。當然，以今日望回過去，某些情節橋段確實算舊，仍偶有數句對白令人回心微笑。
「你仲sell緊個o的五萬蚊美金，供十二年之後唔駛供o既保險?」
(遺憾我數年都係其中一份子...)
「你唔食隻龍蝦?我食埋，唔好o徒嘛!...放心，我只係對食係咁，對愛情唔係!」
話説回頭，兩者不一樣的結局，都各有味道，快樂–只不過係一種普遍人想要的「味道」。
